FEIRANTA

Esta idea leva na miña cabeza un par de anos e creo que a crise da Covid-19 puxo de manifesto o positivo que sería para moitas mulleres (que por circunstancias da súa vida atópanse LITERALMENTE SOAS, tendo que regresar a casa dos seus pais, etc) o poder materializala.
Por outro lado existen moitas casas desocupadas no medio rural, algunhas son tan grandes que non se adaptan aos “modelos de familia” actuais e inclusive algunhas contan con extensións de terra que nos poderían abrir as portas a miniproxectos de agricultura ecolóxica xerando así oportunidade laborais.
A idea sería poder formar un equipo de traballo respaldado por unha entidade pública ou privada para xerir o aluguer das vivendas (en entornos rurais) e así dar garantías aos seus propietarios, e poder dar aloxamento a mulleres que aínda que dispoñen de traballo, por causa dos baixos salarios non poden facer unha vida independente; a mulleres solteiras que precisan de integrarse nun grupo, e en definitiva crear unha rede de convivencia.
Este é un proxecto enfocado a “conter” a persoas que atualmente teñen unha vida estabel pero precaria.